Në këtë vend grave u ndalohen udhëtimet në vende të largëta, pa shoqërimin e një burri

Talebanët ua kanë ndaluar grave të Afganistanit që kërkojnë të udhëtojnë në distanca më të largëta, transportin nëse nuk janë të shoqëruara nga ndonjë familjar burrë.

Udhëzimi, i lëshuar nga Ministria për Promovimin e Virtytit dhe Parandalimit të Veseve, përfshinë edhe kërkesën për të gjithë shoferët që të mos pranojnë udhëtare gra nëse nuk janë të mbuluara.

Lexoni edhe:

Kaosi i udhëtimeve, mijëra fluturime të anuluara vetëm sot për shkak të COVID-19

“Grave të cilat udhëtojnë për më shumë se (72 kilometra) nuk duhet t’u ofrohet transporti, nëse nuk shoqërohen nga një anëtar i ngushtë i familjes,” tha zëdhënësi i ministrisë Sadeq Akif Muhajir për AFP, duke specifikuar se duhet të jetë një i afërm i ngushtë mashkull.

Ministria, gjithashtu u kishte kërkuar disa javë më parë, gazetareve që të mos raportojnë nëse nuk kanë shami të vendosur.

(Kosova Sot Online)