Lexoni edhe:
U rrah brutalisht, vajza nga Peja i thotë Policisë se ndodhi për shkak të ofendimeve
Pas reshjeve të borës, Komuna e Drenasit u bënë thirrje qytetarëve që të shmangin daljet e panevojshme
Komuna e Drenasit, përmes një shkrimi në rrjetin social Facebook ka bërë të ditur se pas reshjeve të shiut dhe të borës, të gjitha rrugët janë të kalueshme në këtë komunë.
Mirëpo, kjo komunë u ka bërë thirrje qytetarëve që të kenë kujdes gjatë ngasjes dhe të shmangin daljet e panevojshme.
“Ekipet e nevojshme kanë dalur në teren dhe po e kryejnë punën e tyre me largimin e borës dhe vendosjen e krypës që nga orët e hershme të mëngjesit, duke mundësuar lëvizje të lirë të qytetarëve”, është thënë nga Komuna e Drenasit.
Njoftimi i plotë:
Njoftim për qytetarë
Të nderuar qytetarë të Komunës së Drenasit, ju njoftojmë se pas të reshurave të shiut e borës të gjitha rrugët janë të kalueshme, pa vështirësi të mëdha, por kërkojmë nga ana juaj të keni kujdes në ngasje dhe të shmangni daljet e panevojshme.
Ekipet e nevojshme kanë dalur në teren dhe po e kryejnë punën e tyre me largimin e borës dhe vendosjen e krypës që nga orët e hershme të mëngjesit, duke mundësuar lëvizje të lirë të qytetarëve.
Ndërsa rrugët regjionale, sikur ajo Komoran- Drenas- Skenderaj dhe të gjitha rrugët tjera regjionale e ato rajonale, mirëmbajtja e tyre është në kompetencë të Ministrisë së Infrastrukturës.
Ju faleminderit për mirëkuptim!
(Kosova Sot Online)
