Lexoni edhe:
Zgjedhja e Kryeprokurorit të ri të shtetit me skenar të programuar të ruajtjes së ndikimit nga strukturat e SHIK-ut ilegal dhe Pronto-Mafia e krimit të organizuar!
Kamberi e quan dështim referendumin në Serbi
Deputeti shqiptar në Parlamentin e Serbisë, Shaip Kamberi e ka quajtur dështim mbajtjen e referendumit dje në Serbi.
Kamberi përmes një postimi në Facebook, tha se pjesëmarrja e më pak se 30% të qytetarëve në këtë referendum nënkupton dështim.
“Më pak se 30% pjesëmarrje. Referendumi dështoi në vet Serbinë. Pushteti autoritar i Vuçiqit po delegjitimohet në vet Serbinë”, ka shkruar ai.
Të dielën në Serbi është mbajtur referendumi për ndryshimin e kushtetutës, gjegjësisht ndryshimet që kanë të bëjnë me gjyqësorin.
Këto ndryshime bëhen me qëllim të harmonizimit të legjislacionit me atë evropian, në procesin e anëtarësimit të Serbisë në Bashkimin Evropian.
(Kosova Sot Online)
