Ja sa deputetë të rinj shqiptarë pritet t’i ketë Kuvendi

Komisioni Qendror i Zgjedhjeve ka numëruar rreth 80 për qind të votave të kandidatëve për deputetë të mërkurën, e sipas të dhënave, nga ky numërim, në përbërjen e re të Kuvendit nga partitë shqiptare do të sigurojnë ulëse vetëm 6 kandidatë për herë të parë. Pjesa tjetër janë deputetë të legjislaturës së fundit apo të legjislaturave të mëhershme.

Bazuar në rezultatet preliminare, LVV-ja do të ketë 48 deputetë, PDK-ja 24, LDK-ja 20 dhe AAK-ja 8.

E nga numërimi i deritashëm i votave për kandidatë, për herë të parë deputetë nga Vetëvendosje do të jenë: Osman Musliu, Arton Konushevci, Armend Baloku, Krenare Çerkini dhe Valon Peci. I gjashti është nga PDK-ja, Adriatik Berisha.

(Kosova Sot Online)