Lexoni edhe:
Njerëzit e ngatërrojnë me qen, ky është maçoku me madhësi të jashtëzakonshme
Gjendet e vdekur 9-vjeçarja, policia arreston një person
Një burrë është akuzuar për vrasje pasi një fëmijë u gjet i pajetë në një fuçi të fshehur mes shkurreve në Australi.
Viktima besohet se është një vajzë 9-vjeçare e cila u zhduk javën e kaluar në një pronë në Malet Blu, afër Sidneit, tha policia.
Zhdukja e saj shkaktoi një kërkim masiv i cili përfundoi të martën, 18 janar kur oficerët zbuluan trupin e fëmijës pranë një lumi në një zonë fqinje.
Policia tha se një burrë 31-vjeçar ishte arrestuar në një apartament në brendësi të Sidneit.
Vajza – e cila nuk mund të identifikohet për arsye ligjore – ishte me pushime me nënën e saj kur u zhduk të enjten e kaluar. Ajo u raportua e humbur mëngjesin tjetër.
Gjatë pesë ditëve të ardhshme, oficerë policie, zjarrfikës dhe vullnetarë të Shërbimit Shtetëror të Emergjencave kërkuan terrene të dendura në zonë për të bërë të mundur gjetjen e saj.
Ndërkohë më shumë se 200 oficerë kryen një hetim që identifikoi të dyshuarin dhe “anomalitë” në lëvizjet e tij, sipas Policisë së Uellsit të Ri Jugor.
I dyshuari kishte blerë një “numër thasësh me rërë” nga një dyqan si dhe karburant për të notuar me një varkë në brendësi të Sideit.
“Kjo ishte e pasuksesshme sepse varka nuk ishte funksionale,” tha Zëvendës komisari Hudson.
31-vjeçari dyshohet se më vonë udhëtoi në zonën e lumit Colo – ku më vonë u gjet fuçia. Nuk është shumë larg vendit ku u zhduk fillimisht vajza.
“Deri në kryerjen e autopsisë nuk jemi ende të sigurt se çfarë ka ndodhur me të,” tha komisari Hudson.
Policia tha se hetimet do të vazhdojnë, shkruan BBC.
(Kosova Sot Online)
