Lexoni edhe:
Gjermania e fut Kosovën në listën e vendeve me rrezikshmëri të lartë nga Covid-19
Rekord i ri: 2 mijë e 943 raste të reja me COVID-19 në Kosovë
Ministria e Shëndetësisë ka njoftuar se në 24 orët e fundit është shënuar rekord i rasteve me COVID-19. Që nga dje, janë konfirmuar 2 mijë e 943 raste të reja me koronavirus dhe një rast vdekje.
Konfirmimi i rasteve ka ardhur pas testimit të rreth 12 mijë mostrave.
Gjatë 24 orëve të fundit janë shëruar 317 qytetarë, derisa numri i rasteve aktive është 12 mijë e 396.
“Nga 11.563 testime, 2.943 qytetarë kanë rezultuar pozitiv me virusin COVID-19. Gjatë 24 orëve të fundit, është shënuar 1 rast i vdekjes. Sot janë shëruar 317 qytetarë, derisa numri i përgjithshëm i të shëruarve është 159.890. Në total numri i rasteve aktive është 12.396”, ka njoftuar Ministria.
Ndryshe, Qeveria e Kosovës pritet të miratojë sot masat shtrënguese anti-Covid, të cilat përfshijnë kufizim të orarit të lëvizjes, kufizim të orarit të punës së gastronomisë dhe ashpërsim i rregullave të hyrjes në Kosovë.
Nëse marrin miratimin e Ekzekutivit, këto masa do të hyjnë në fuqi nga nesër.
(Kosova Sot Online)
