Lexoni edhe:
Një rikujtim serioz për qeverinë: Po që se dështon shëndetësia fatura e dështimit shkon te qeveria!
Kryediplomati grek e takon Lajçakun: Mbështesim përpjekjet për të arritur përparim në marrëdhëniet Kosovë – Serbi
Ministri i Punëve të Jashtme i Greqisë, Nikos Dendias është takuar me Përfaqësuesin Special të Bashkimit Evropian për dialogun Kosovë-Serbi, Miroslav Lajçak.
Dendias sot po merr pjesë në Këshillin e Punëve të Jashtme të BE-së në Bruksel, ndërsa ka shfrytëzuar rastin që të takohet edhe me ndërmjetësin e dialogut mes Kosovës dhe Serbisë. Ai ka shprehur mbështetjen për përpjekjet e Lajçak për arritjen e një marrëveshjeje mes dy palëve.
“Gjatë një takimi në margjinat e Këshillit të Punëve të Jashtme të BE-së, diskutova me Përfaqësuesin Special, Miroslav Lajçak sitatëm aktuale dhe rrugën përpara në Dialogun Beograd-Prishtinë dhe përsërita mbështetjen e vendosur të Greqisë për përpjekjet e tij për të arritur përparim në marrëdhëniet midis dy palëve”, shkroi Dendias në Twitter.
Takimi i Dendias me Lajçakun vjen pas vizitës së kryediplomates së Kosovës, Donika Gërvalla në Athinë javën e kaluar, nga ku tha se njohja e Kosovës nga Greqia do të përbënte një hap historik.
Greqia së fundmi ka pasur qasjen më konstruktive ndaj Kosovës, krahasuar me 4 vendet e tjera brenda BE-së që ende nuk e njohin pavarësinë e Kosovës.
Ministrja e Punëve të Jashtme, Donika Gërvalla gjatë vizitës në Athinë. Pritet nga ministri i Punëve të Jashtme të Greqisë, Nikos Dendias
During a meeting on the margins of #EU #FAC, I discussed with #EUSR @MiroslavLajcak the state of play and the way forward in the Belgrade-Pristina Dialogue and reiterated ??’s firm support for his efforts to achieve progress in the relations between the two sides. pic.twitter.com/NwDQDGLf5k
— Nikos Dendias (@NikosDendias) January 24, 2022
(Kosova Sot Online)
