Lexoni edhe:
Sot u regjistrua temperatura -18C në Aeroportin e Prishtinës, mot i acartë edhe gjatë ditëve të ardhshme
Viti kur ishte regjistruar temperatura më e ulët në Kosovë
Prishtina Weather ka njoftuar se mëngjesin e sotëm, në Aeroportin e Prishtinës është regjistruar temperatura -18 gradë Celsius. Por, para 36 vjetësh, temperatura në Prishtinë ishte regjistruar -27.2C.
Sipas Prishtina Weather, më 13 janar të vitit 1985 temperaturat në Prishtinë kishin zbritur deri në -27.2 gradë Celsius, ndërsa më 26 janar të vitit 2000, në Aeroportin e Prishtinës ishte regjistruar temperatura -29.2 gradë Celsius.
“Sado këto temperatura të regjistruara në vendin tonë të jenë të ulëta, duhet cekur se temperatura më e ulët në Prishtinë është regjistruar më 13 janar të vitit 1985 me -27.2C, e në aeroportin e Prishtinës -29.2C më 26 janar të vitit 2000. Herën e fundit temperatura minimale edhe deri në -24C u regjistruan para pesë vitesh në janarin e vitit 2017”, ka bërë të ditur Prishtina Weather.
Hera e fundit që në vend janë shënuar temperatura minimale është janari i vitit 2017, ku temperaturat kishin shkuar deri në -24 gradë Celsius.
Prishtina Weather ka njoftuar se mot i acartë mbetet edhe në ditët e ardhshme, mirëpo që temperaturat gradualisht fillojnë të rriten, me maksimale edhe në vlera pozitive.
(Kosova Sot Online)
