Rreshje të mëdha të dëborës, Policia bën thirrje për kujdes

Policia u ka bërë thirrje qytetarëve që të tregojnë kujdes të shtuar gjatë ngasjes dhe pjesëmarrjes në trafik.

Në njoftimin e lëshuar në rrjetin social Facebook, thuhet se kjo vjen si pasojë e reshjeve të borës që janë në ditën e sotme.

“Policia e Kosovës kërkon dhe apelon që të gjithë pjesëmarrësit në trafik, në veçanti drejtuesit e automjeteve, të jenë më vigjilent dhe vozitjen ta përshtatin me rrethanat e krijuara nëpër rrugët tona, në mënyrë që pjesëmarrja në trafik të jetë e sigurt për të gjithë dhe të shmangen aksidentet rrugore”.

“Angazhime policore janë në proces për të garantuar rrjedhshmëri të trafikut dhe për të parandaluar aksidentet”, thuhet në njoftim.

(Kosova Sot Online)