Ka filluar numërimi mbrapsht, amerikanët e japin afatin e saktë kur Rusia do ta sulmojë Ukrainën

Shtetet e Bashkuara të Amerikës besojnë se Presidenti i Rusisë, Vladimir Putin ka vendosur të pushtojë Ukrainën javën e ardhshme.

Presidenti Joe Biden u takua virtualisht të premten me kryeministrin kanadez Justin Trudeau, me kryeministrin e Britanisë, Boris Johnson dhe liderë të tjerë botërorë të premten për t’i informuar ata mbi zhvillimet e fundit.

Menjëherë pas përfundimit të takimit doli se zyrtarët amerikanë dhe perëndimorë tani mendojnë se Rusia do të pushtojë javën e ardhshme, sipas reporterit të PBS, Nick Schifrin, shkruan daily mail, transmeton Gazeta Express.

“Zyrtarët amerikanë parashikojnë një fushatë të tmerrshme, të përgjakshme që fillon me dy ditë bombardime ajrore dhe luftë elektronike, e ndjekur nga një pushtim, me qëllimin e mundshëm të ndryshimit të regjimit”, shkroi ai në Twitter.

Derisa këto janë zhvillimet e fundit, aleatët po përpjekjen për t’i siguruar shtetasit e tyre.Britania këshilloi të premten qytetarët që të largoheshin menjëherë ndërsa fluturimet komerciale ishin të disponueshme. 

Zhvillimet vijnë pas një sërë paralajmërimesh për amerikanët që të largohen menjëherë nga Ukraina. 

Më herët Sekretari amerikan i Shtetit, Antony Blinken, përshkroi ato që ai tha se ishin “shenja shumë shqetësuese të përshkallëzimit rus”. 

“Ne jemi në një dritare kur një pushtim mund të fillojë në çdo kohë – dhe për të qenë i qartë, kjo përfshin edhe gjatë Lojërave Olimpike,” tha ai. 

(Kosova Sot Online)