Lexoni edhe:
2 të vdekur dhe 373 raste të reja të infektuar me COVID-19 në Kosovë
NATO-ja del me deklaratë pas njoftimit të Rusisë për tërheqje
Sekretari i përgjithshëm i NATO-s, Jens Stoltenberg, ka thënë se njoftimi i Rusisë për tërheqje të trupave ofron hapësirë për optimizëm, por aleanca ende nuk ka parë shtensionim real.
Para takimit të ministrave të vendeve anëtare të NATO-s të mërkurën, Stoltenberg tha: “Kjo jep hapësirë për optimizëm të kujdesshëm, por, deri tash, nuk kemi parë ndonjë shenjë të shtensionimit në terren.”
“Deri tash s’kemi parë ndonjë shenjë të de-eskalimit, ndonjë shenjë të pakësimit të pranisë ushtarake ruse në kufijtë e Ukrainës, por ne do të vazhdojmë të vëzhgojmë”, shtoi ai.
Stoltenberg gjithashtu tha se Rusia ka grumbulluar “forcë luftuese të pashembullt që nga Lufta e Ftohtë”, shkruan The Guardian.
“Gjithçka është në vend tash për një sulm të ri, por Rusia ende ka kohë që të tërhiqet nga skaji i shkëmbit, të ndalojë së përgatituri për luftë dhe t’i fillojë përgatitjet për një zgjidhje paqësore”, tha sekretari i NATO-s.
Rusia të martën tha se një pjesë e trupave afër zonës kufitare me Ukrainën do të kthehen në bazat e tyre të përhershme. Ky njoftim ndikoi që çmimi i karburanteve të pësojë ulje, ndërsa vlera e rublës ruse të shënojë rritje në raport me euron dhe me dollarin amerikan.
(Kosova Sot Online)
