Lexoni edhe:
Të ndarë / të bashkuar përballë presionit ndërkombëtar për Asociacionin e komunave serbe
Ngjarje e rëndë në Rahovec: Burrit ia vendosin një granatë dore në oborrin e shtëpisë
Një person ka raportuar në polici se një i dyshuar ia ka vendosur në oborrin e shtëpisë një granatë dore dhe paraprakisht është kanosur me armë nga ai.
Rasti ka ndodhur si pasojë e një mosmarrëveshjeje të mëhershme, teksa i dyshuari është dërguar në mbajtje.
Policia ka sekuestruar granatën e vendosur në oborrin e viktimës, ndërsa nga i dyshuari është sekuestruar një pistoletë me dy copë fishekë dhe një granat e cila ishte në automjetin e të dyshuarit
Njoftimi i plotë i policisë:
KANOSJE & ARMËMBAJTJE PA LEJE/ Fsh. Drenovc, Rahovec 21.02.2022-02:15. Viktima mashkull kosovar ka raportuar se pas një mosmarrëveshje të mëhershme, i dyshuari mashkull kosovar duke e kanosur me armë zjarri ,në oborrin e tij i ka vendosur një granat dore e cila është sekuestruar ndërsa nga i dyshuari është sekuestruar një pistoletë me dy copë fishekë dhe një granat e cila ishte në automjetin e të dyshuarit. Me vendim të prokurorit i dyshuari është intervistuar dhe dërguar në mbajtje.
(Kosova Sot Online)
