Lexoni edhe:
Deklaratë e NATO’s pas invazionit rus në Ukrainë: Moska do të paguajë çmim të lartë ekonomik e politik
Aksioni i policisë kundër kontrabandës në veri, deklarohet Sveçla
Ministri i Punëve të Brendshme, Xhelal Sveçla ka përgëzuar Policinë e Kosovës për parandalimin e kontrabandës dhe aktiviteteve tjera kriminale.
Sveçla tha se ndalja e kontrabandës po bëhet kryesisht në zonat kufitare që lidhin Kosovën me Serbinë dhe me Maqedoninë e Veriut.
“Si Ministër i Punëve të Brendshme përgëzoj Policinë e Kosovës në realizimin e suksesshëm të planit operacional në parandalimin dhe luftimin e krimit si dhe të gjitha formave të kontrabandës, që përfshijnë zonat kufitare që lidhin Republikën e Kosovës me atë të Serbisë si dhe në zonën kufitare që lidhet me Republikën e Maqedonisë së Veriut”, ka shkruar ai në një postim në “Facebook”.
Më tutje ai tha se kjo dëshmon forcimin e shtetit ligjor dhe parandalimin e kontrabandës dhe trafikimit të mallrave përmes rrugëve ilegale.
Postimi i plotë:
Përgëzoj Policinë e Kosovës për angazhimin e pakursyer në parandalim të kontrabandës dhe aktiviteteve tjera kriminale.
Si Ministër i Punëve të Brendshme përgëzoj Policinë e Kosovës në realizimin e suksesshëm të planit operacional në parandalimin dhe luftimin e krimit si dhe të gjitha formave të kontrabandës, që përfshijnë zonat kufitare që lidhin Republikën e Kosovës me atë të Serbisë si dhe në zonën kufitare që lidhet me Republikën e Maqedonisë së Veriut.
Kjo dëshmon forcimin e shtetit ligjor, parandalimin e kontrabandës dhe trafikimit të mallrave përmes rrugëve ilegale, duke mbyllur dhe pamundësuar rrugët ilegale të shfrytëzuara nga kontrabanduesit.
Përmes vazhdimit të luftimit dhe parandalimit të kontrabandës, ruajtjes së rendit dhe qetësisë publike si dhe zbatueshmërisë së ligjit, institucionet e Republikës së Kosovës kujdesen për mirëqenien, shëndetin dhe krijimin e një klime të qetë dhe të sigurt për të gjithë qytetarët, përfshirë ata që jetojnë në zonat kufitare.
(Kosova Sot Online)
