Lexoni edhe:
Kryetarja e Komisionit Evropian: Kurrë kurrë kurrë s’do ta lejojmë Putinin që ta shkatërrojë Ukrainën
Osmani në takimin me Çavusoglun: Paqja në rajon është e mundshme me Kosovën në NATO
Presidentja e Kosovës, Vjosa Osmani, e shoqëruar edhe nga ministrja e Jashtme, Donika Gërvalla, gjatë qëndrimit në Ankara kanë takuar me ministrin e jashtëm turk, Mevlut Çavusoglu.
Siç njofton Zyra e Presidencës, në takim është diskutuar për bashkëpunimin në fushën e politikës së jashtme, mbrojtjes, sigurisë, shkëmbimit tregtar, shëndetësisë dhe fusha të tjera të interesit të dyanshëm.
Osmani ka thënë se raportet me Turqinë kanë potencial të zgjerohen e thellohen edhe më tej, në veçanti duke nxitur më shumë investime në Republikën e Kosovës si dhe duke rritur eksportet e Kosovës në Turqi.
Ajo ka theksuar rëndësinë e anëtarësimit të Kosovës në organizata ndërkombëtare, si proces nga i cili do të përfitojnë të gjithë qytetarët e Kosovës, pa dallim etnie.
Në këtë kontekst, Osmani ka theksuar se bashkë me aleatët, nuk do të lejojnë destabilizimin e rajonit të Ballkanit Perëndimor.
“Paqja dhe e ardhmja e sigurt e rajonit është e mundshme me anëtarësimin e Kosovës dhe shteteve të Ballkanit Perëndimor në BE dhe NATO”.
(Kosova Sot Online)
