Mendoi se ishin mashtruesit, fituesja iu shmang telefonatave të lotarisë për ditë të tëra

Fituesja e pavëmendshme iu shmang telefonatave të lotarisë për ditë të tëra

Një grua australiane zbuloi se kishte fituar një xhekpot të lotarisë prej më shumë se 70 mijë dollarësh pas disa ditësh që iu shmang telefonatave të zyrtarëve të lotarisë, duke menduar se ishin mashtruese.

Lexoni edhe:

Ukraina konfirmon se sot do të mbahet takimi i dytë me Rusinë

Gruaja nga Frenchs Forest, New South Wales, u tha zyrtarëve të The Lott se bleu një biletë për shortin e Lotarisë, por harroi të kontrollonte llogarinë e saj pas tërheqjes.

Zyrtarët u përpoqën të kontaktojnë me fituesin në telefon, por gruaja i injoroi thirrjet për disa ditë, duke supozuar se ato kishin lidhje me mashtrimin.

“Kam marrë disa telefonata dhe emaile menjëherë pas shortit, por nuk e njoha numrin e telefonit apo emailin, kështu që nuk u përgjigja dhe nuk mora asnjë njoftim! Thashë me vete, ‘Padyshim që është një mashtrim'”, kujtoi gruaja.

“I injorova telefonatat dhe emailet për disa ditë, dhe më pas, përfundimisht, vendosa të regjistrohem në llogarinë time online në The Lott. Gjithçka filloi të kishte kuptim kur zbulova se kisha fituar”

Gruaja fitoi një xhekpot prej 72 mijë e 580 mijë dollarësh dhe ka deklaruar se ende po mendon se si t’i përdorë paratë e fituara.

“Kam rreth 10 vjet që luaj, kështu që jam shumë e emocionuar që kam fituar një çmim të madh lotarie!” – është shprehur ajo.

(Kosova Sot Online)