Sulm me thikë në universitet

Një burrë ka sulmuar me thikë studentët e një universiteti në Francë.

Për një person është raportuar se është në gjendje kritike dhe së paku katër studentë janë lënduar në sulmin që ndodhi në Universitetin La Mans.

Policia franceze ka thënë se një i dyshuar është arrestuar dhe se nuk ka indikacione për sulm me motive terroriste.

Burri filloi t’i sulmojë njerëzit me thikë pasi hyri në objektin e fakultetit, ka cituar mediumi francez “Ouest-France” dëshmitarët të kenë thënë. 

(Kosova Sot Online)