OKB publikon bilancin e civilëve të vrarë në Ukrainë për 10 ditë luftë

Organizata e Kombeve të Bashkuara ka njoftuar se në 10 ditë luftë janë vrarë 351 civilë ukrainas, ndërsa 707 janë plagosur.

Megjithatë, agjencia pranon se numri ka të ngjarë të jetë më i lartë, shkruan skynews.

Lexoni edhe:

NATO me mesazh, teksa dy aeroplanë luftarak, një amerikan e tjetri gjerman, fluturojnë mbi Baltik

Ndërkohë Ukraina pretendon se të paktën 2,000 civilë kanë vdekur në konflikt.

Komisioneri i Lartë i OKB-së për të Drejtat e Njeriut thotë se “marrja e informacionit nga disa lokacione ku luftimet intensive kanë vazhduar u vonua dhe shumë raporte ishin ende në pritje të vërtetimit”.

Qindra viktima mësohet se kanë ndodhur në Volnovakha, ku evakuimet do të bëheshin gjatë një armëpushimi të përkohshëm sot.

(Kosova Sot Online)