Për herë të parë, Hungaria zgjedh një presidente grua

Katalin Novak është zgjedhur presidente e Hungarisë nga Parlamenti, duke u bërë kështu gruaja e parë në këtë post në historinë e Hungarisë.

Novak, një aleate e ngushtë e kryeministrit Viktor Orban,  së fundmi shërbeu si ministre për politikën familjare derisa zgjedhjen e saj presidente e portretizoi si fitore për gratë.

“Ne gratë rritim fëmijë, kujdesemi për të sëmurët, gatuajmë, kryejmë punën sa për dy veta në të njëjtën kohë nëse është e nevojshme, fitojmë para, mësojmë, fitojmë çmime Nobel, pastrojmë dritaret”, tha Novak në një fjalim para votimit.

“Ne e dimë fuqinë e fjalëve, por mund të heshtim dhe të dëgjojmë nëse duhet dhe të mbrojmë familjet tona me një guxim përtej atij të burrave nëse ka rrezik”, tha 44-vjeçarja.

Më herët, ajo ka postuar një foto të saj, të bashkëshortit dhe tre fëmijëve në rrjetet sociale, duke thënë se “kjo nënkupton shumë për që familja ime është këtu me mua”.

(Kosova Sot Online)