Ukraina reagon pas deklaratave të Rusisë: Synojnë të provokojnë

Deklaratat e Rusisë për bisedimet e paqes me Ukrainën kanë “për qëllim të provokojnë tension në media”, tha një këshilltar i presidentit ukrainas Volodymyr Zelenskyy.

Mykhailo Podolyak, i cili është gjithashtu anëtar i ekipit negociator të Ukrainës, tha se pozicioni i Ukrainës në negociata nuk ka ndryshuar.

“Armëpushim, tërheqja e trupave dhe garanci të forta sigurie me formula konkrete”, shpjegoi ai.

Komentet e tij vijnë pasi Vladimir Medinsky, një anëtar i ekipit negociator të Rusisë, pohoi se Moska dhe Kievi janë kryesisht në një linjë për çështjen e neutralitetit të Ukrainës. Ai tha se të dy vendet ishin “në gjysmë të rrugës” për çështjen e çmilitarizimit në Ukrainë.

(Kosova Sot Online)