Lexoni edhe:
‘Ju kapën mbi 38 mijë kg mish me afat të skaduar, oligarku Ramiz Kelmendi e ka vendin në burg’
Dritan Abazoviq, i mandatuar për formimin e Qeverisë së re në Mal të Zi thotë se në të nuk do të ketë njerëz që do të pëlqehen nga të gjithë.
Pas një mbledhjeje në parti, kreu i Lëvizjes Qytetare URA tha se asgjë e rëndësishme në lidhje me formimin e qeverisë së pakicës nuk do të ndodhë para përfundimit të zgjedhjeve lokale në Berane dhe Ulqin më 27 mars, shkruan Al Jazeera.
Abazoviq tha se Kryesia e URA-s është caktuar me qëllim të analizimit të aktiviteteve të rregullta që ka partia lidhur me zgjedhjet lokale dhe qeverinë e pakicës që pritet të formohet shpejt.
Ai tha se vendimet që e presin qeverinë e pakicës janë shumë më të rëndësishme se çdo gjë tjetër.
“Do të mundohemi të jemi gjithëpërfshirës, ky është obligimi ynë”, ka theksuar Abazoviq.
Ai deklaroi se në qeverinë e re nuk do të ketë njerëz që “të gjithëve do t’iu pëlqejnë”.
(Kosova Sot Online)