Ky është multimilioneri turk që iu bastis klinika në Prishtinë për shmangie tatimore
Policia e Kosovës, në bashkëpunim me Administratën Tatimore, ka realizuar një bastisje në ordinancën private “Vatan Med”, klinikë kjo e njohur për mbjelljen e flokëve.
Pronar i kësaj kompanie është Ugur Ozturk.
Se janë duke u zhvilluar bastisje në dy lokacione, e ka konfimruar edhe zëdhënësja e ATK-së, Valentina Bytyqi-Sefa.
Bastiset klinika e famshme në qendër të Prishtinës
“Është një aksion i ATK-së më Policinë e Kosovës në dy lokacione të ndara në Prishtinë. Pasi të përfundojë do japim informacione sepse është duke vazhduar dhe mund të ndikojë në proces”, ka thënë Bytyqi-Sefa.
Aksioni, i cili ka filluar mëngjesin e sotëm, është duke vazhduar ende.
Ndryshe Klinika “Vatan Med” ofron shërbime në fushën e mbjelljes së flokëve, mjekrës, mustaqeve dhe vetullave si dhe shërbimet tjera si ato dentare dhe estetike.
Kjo klinikë ofron shërbime prej tri vitesh në qendër të Prishtinës.
(Kosova Sot Online)
