Lexoni edhe:
Tema e demarkacionit me Malin e Zi në kohë tensionesh ndërkombëtare i dëmton seriozisht raportet tona me aleatet perëndimor
Presidenti i Shqipërisë, Ilir Meta ka kujtuar sot nëpërmjet një video takimin e tij me ish-Sekretaren amerikane të Shtetit, Madeleine Albright.
Albright vdiq dje në moshën 84-vjeçare pasi kohët e fundit ishte duke luftuar me sëmundjen e kancerit.
“Përherë mirënjohës përkushtimit të sinqertë dhe energjik të Sekretares së Shtetit, Madeleine Albright për forcimin e marrëdhënieve strategjike Shqipëri-SHBA, në të mirë të interesit të përbashkët të dy popujve tanë miq”, ka thënë Meta në një postim në Facebook.
“Do ta kujtojmë gjithmonë për rolin dhe kontributin e madh të dhënë për çlirimin e Kosovës, veçanërisht sot, kur mbushen 23 vite, nga dita kur SHBA dhe NATO vendosën të ndërhyjnë për t’i dhënë fund gjenocidit dhe spastrimit etnik në Kosovë”, ka shtuar presidenti i Shqipërisë.
https://www.facebook.com/watch/?v=696789641356091
(Kosova Sot Online)