Moti i keq shemb urën

Ura që lidh Kukësin me Shishtavecin është shembur gjatë natës, si pasojë e reshjeve të shiut që kanë përfshirë veriun dhe gjithë pjesën tjetër të vendit.

“Gjatë natës ka pasur reshje shiu me intensitet duke sjellë rënie gurësh dhe materialesh në trup të rrugës. Në aksin Ura e Zapodit-Shishtavec si pasojë e reshjeve të shiut me erë të fortë është dëmtuar një urë, po vendoset sinjalistikë dhe po merren masat e para”, njofton ARRSH.

Lexoni edhe:

“Pas përfundimit të mandatit Lumezi në bankën e të akuzuarve së bashku me Shpend Ahmetin”

Autoriteti Rrugor Shqiptar bën me dije se kontraktorët e mirëmbajtjes janë në terren për pastrimin e akseve, ndërsa përdoruesve të rrugës u kërkohet të tregojnë kujdes në lëvizje dhe të respektojnë sinjalistikën rrugore, si dhe të reduktojnë shpejtësinë për shkak të lagështisë në rrugë.

Si pasojë e shembjes së urës së Shtrezës, banorët e 7 fshatrave në këtë zonë kanë mbetur të izoluar. Bëhet fjalë për fshatrat Shishtavec, Novosej, Borje, Cernaleve, Oreshke, Kollovoz, Shtreze.

1 / 2

2 / 2

(Kosova Sot Online)