Ambasadori gjerman: Zhgënjyes votimi për Kryeprokuror të Shtetit dje në KPK

Ambasadori gjerman në Kosovë, Jorn Rohde, e ka quajtur zhgënjyes procesin e djeshëm të votimit për Kryeprokuror të Shtetit në Këshillin Prokurorial të Kosovës.

Ambasadori Rhode ka ripostuar reagimin e Shefit të Zyrës së BE-së në Kosovë, Tomas Szunyog, i cili e ka quajtur votimin e Kryeprokurorit të Shtetit s’ka qenë në linjë me kërkesat e BE-së.

Lexoni edhe:

BSPK mban nesër protestë, kërkon rritjen e pagës për 100 euro për çdo të punësuar në sektorin publik

“Kjo me të vërtetë është zhgënjyese dhe jo rruga e duhur përpara. Veçanërisht kur OJQ-të e njohura të Kosovës si Instituti i Kosovës për Drejtësi dhe Grupi për Studime Juridike dhe Politike kanë shprehur shqetësimin e njëjtë”, ka shkruar Rhode.

Edhe Shefi i BE’së në Kosovë, Tomas Szunyog, dje është shprehur i zhgënjyer nga Këshilli Prokurorial i Kosovës për procesin e përzgjedhjes së Kryeprokurorit të Shtetit.

Në një reagim në Tëitter, Szunyog ka shkruar se BE-ja në vazhdimësi ka thirrur për një proces të drejtë dhe meritor, por se kjo nuk ndodhi.

Dje, Këshilli Prokurorial i Kosovës KPK), ka votuar unanimisht për Blerim Isufajn për Kryeprokuror të ri të Shtetit, i cili është propozuar për dekretim tek presidentja.

This is indeed dissapointing & not the way forward. Especially when also well known ?? NGOs like https://t.co/5IpegehjrF Institute & GLPS have voiced similar concerns. https://t.co/uATMKP10oj

— Ambassador Jörn Rohde (@GermanAmbKOS) April 7, 2022

(Kosova Sot Online)