Mjeku ukrainas thotë se trupat ruse po mbushin lodrat e fëmijëve me lëndë eksplozive

Oleksandr Yatsyna, një mjek ukrainas, ka deklaruar se trupat ruse po mbushin me eksplozivë edhe lodrat e fëmijëve, raporton A2CNN.

“Në fillim nisën bombardimet, pastaj ekzekutimet, më pas minat nëpër rrugë, por gjëja më e keqe që po bëjnë është mbushja e lodrave të fëmijëve me lëndë eksplozive. Po shënjestrojnë familjet si një strategji për të tmerruar njerëzit dhe të mposhtin rezistencën. Por, nuk e kuptojnë se sa më shumë tmerre na shohin sytë, aq më trima bëhemi”, tha doktori për “The Times”.

Lexoni edhe:

Pushimet pranverore, mërgimtarët ia mësyjnë Kosovës

Yatsyna thotë se ka frikë që edhe spitali ku ai punon në Kiev, mund të sulmohet: “Nuk kam asnjë garanci, ata mund të sulmojnë këdo. Mund të sulmojnë doktorët dhe pacientët, ne që nuk kemi ku arratisemi jemi shënjestrat parësore. Këtë gjë e kam kuptuar kur u sulmua materniteti në Mariupol. Nuk e besoja dot që një gjë e tillë ndodhi”./A2CNN

1 / 1

(Kosova Sot Online)