Elena Kocaqi kandidate për Presidente të Republikës së Shqipërisë

Kuvendi i Republikës së Shqipërisë brenda pak ditësh nis procedurën kushtetuese për zgjedhjen e Presidentit të ri të Republikës, shkruan gazeta "Kosova Sot Online".

Ndër emrat më popullor në sondazhe është përzgjedhur historiania shqiptare zonja Elena Kocaqi. 

Me këtë rast përmes një postimi në llogarinë e saj sociale, ajo i ka falenderuar të gjithë për mbështetjen.

"Kam parë këto ditë në disa media sondazhet popullore për presidentin e ri. Jam shumë e nderuar që në shumicën e tyre kam kryesuar listën e vullnetit popullor, deri dhe në shifrat 70 e 90%. Ju faleminderit nga zemra për besimin dhe vlersimin tuaj", ka shkruar ajo ndër të tjera.

Postimi i plotë:

Të dashur Shqiptar,
Kam parë këto ditë në disa media sondazhet popullore për presidentin e ri. Jam shumë e nderuar që në shumicën e tyre kam kryesuar listën e vullnetit popullor, deri dhe në shifrat 70 e 90%. Ju faleminderit nga zemra për besimin dhe vlersimin tuaj. Është nderi dhe përgjegjësia më e madhe e jetës sime, besimi juaj. Si një individ qe jam shkolluar për 30 vjet, edhe me kontributin e taksave të shqiptarëve, kam detyrimin t'i shërbej vendit tim. Si profesore e qeverisjes prej 15 vitesh dhe duke qenë se kam mbaruar studimet shkëlqyer për Histori, Juridik dhe Shkenca Politike në Universitetin e Tiranës me kohë të plot dhe duke qënë se kam dhe një doktoraturë në Marrëdhënie Ndërkombetare, do të vija gjithçka kam në dispozicion të vendit tim dhe te mirës se çdo shqiptari, pa asnjë dallim politik, fetar, krahinore apo status social. Mirëpo deri me sot, unë nuk jam angazhuar politikisht dhe vet politika nuk ka shfrytezuar asgjë nga njohuritë e mija profesionale. Duke qënë eksperte e shtetit dhe qeverisjes, me vjen keq që deri më sot nuk më ështē afruar mundësia të bëj për vendin tim. Nuk është se nuk dua unë tē bēj për vendin tim, por këtu çdo gjë e ka në dorē politika që i ka hequr popullit çdo lloj të drejte për zgjedhjen e presidentit si dhe i ka kufizuar atij edhe te drejtën e zgjedhjes sē deputetëve me votë popullore. Për mua nuk ka privilegj dhe pushtet më të madh sesa dashuria dhe besimi juaj. Ju dua pa kushte. Ju faleminderit 

(Kosova Sot Online)