Lexoni edhe:
Këto janë pesë gjetjet e zviceranëve për rastin Dehari
Ambasada e Shteteve të Bashkuara të Amerikës ka përkujtuar gjenocidin serb në Srebrenicë me disa fotografi të publikuara të ambasadorit Michael Murphy në kompleksin memorial.
Në një postim në Twitter, SHBA thotë se komandantët serbë që udhëhoqën gjenocidin ndaj boshnjakëve civilë janë kriminelë lufte dhe nuk janë heronj nga asnjë perspektivë.
Këto janë pesë gjetjet e zviceranëve për rastin DehariLexoni edhe:
“Shtetet e Bashkuara të Amerikës nuk do ta harrojnë kurrë gjenocidin e Srebrenicës të kryer nga elemente të ushtrisë së Republikës Srpska nën komandën e Ratko Mlladiqit dhe Radovan Karagjiqit. Mlladiq dhe Karagjiq janë kriminelë lufte, jo heronj. S’ka mohim, as mural e as monument që mund të ndryshojë këtë”, ka shkruar ambasada amerikane në Bosnje e Hercegovinë.
Ambasada aludoi në muralin e Mlladiqit që është pikturuar në fasadën e një ndërtese në Beograd, një muaj pasi Gjykata në Hagë ka konfirmuar dënimin e tij të përjetshëm, më 8 qershor. Disa aktivistë në Beograd kishin protestuar për ta hequr muralin, por policia serbe kishte arrestuar një prej tyre që hodhi vezë në drejtim të muralit me arsyetimin se e kanë për obligim ta ruajnë rendi dhe qetësinë. Po ashtu, aktivistëve iu desh të përballen edhe me djathtistët që brohorisnin në mbështetje të kriminelit të luftës.
Por, figura e kriminelëve të luftës në Serbi nuk nderohet vetëm nga qytetarët nacionalistë. Ministra serbë shpeshherë janë parë duke nderuar dhe lavdëruar edhe kriminelë të tjerë lufte. Së fundi, ministri i Mbrojtjes Aleksandar kishte bërë homazhe para një busti të ngritur në Beograd të “Kasapit të Ballkanit”, Sllobodan Millosheviq.
Përveç muralit të Ratko Mlladiq, në qendër të Beogradit u shfaqën edhe dy murale të tjera: ai i komandantit çetnik të Luftës së Dytë Botërore, Drazha Mihajlloviq dhe i dukës serb të Luftës së Parë Botërore, Zhivojin Mishiq.
The United States will never forget the Srebrenica genocide committed by elements of the Army of RS at the command of Ratko Mladic and Radovan Karadzic. Mladic and Karadzic are war criminals, not heroes. No amount of denial, no mural, and no monument can change that. pic.twitter.com/l1XYjgEzTC
— US Embassy Sarajevo (@USEmbassySJJ) April 14, 2022
(Kosova Sot Online)