Lexoni edhe:
Kaq vjet duhet të punoni në Zvicër për t’u kualifikuar për pension
Deputetja ukrainase kërkon më shumë armë për vendin e saj
Deputetja ukrainase, Lesia Vasylenko, ka bërë thirrje për një takim urgjent me liderët e Mbretërisë së Bashkuar, Francës, Gjermanisë, Polonisë, Italisë, Rumanisë, Kanadasë dhe SHBA-së, në momentin kur forcat ruse kanë filluar një ofensivë të re të madhe në Ukrainën lindore.
Vasylenko ftoi gjithashtu edhe Sekretarin e Përgjithshëm të NATO-s Jens Stoltenberg, presidentin e Këshillit Evropian Charles Michel dhe shefen e BE-së Ursula von der Leyen, për bisedime.
“Ukraina ka nevojë për armë dhe ka nevojë për ndërhyrje nga ushtria aleate”, tha ajo.
Forcat ruse janë ripozicionuar në lindje pasi u penguan në përpjekjen e tyre për të kapur kryeqytetin Kiev.
Kremlini thotë se dëshiron të “çlirojë” rajonin dhe luftëtarët separatistë pro-rusë janë duke luftuar me ushtrinë e Ukrainës në zonë për disa vite.
(Kosova Sot Online)
