Lexoni edhe:
'Hajdeni se e vrava', 24-vjeçari e vret nënën e tij, pastaj njofton policinë
Për herë të parë nga fillimi i pandemisë, në Infektivë s’ka asnjë pacient me Covid-19
Që nga fillimi i pandemisë Covid-19, në Klinikën Infektive në Qendrën Klinike, Universitare të Kosovës nuk është i shtrirë asnjë pacientë i konfirmuar pozitiv me Coronavirus.
Kjo është bërë e ditur përmes një njoftimi për media nga SHSKUK-ja.
Kështu, Infektiva ka filluar që të ofrojë shërbime për pacientët me sëmundje të tjera ngjitëse.
Ndërkaq në Spitalin e Gjakovës është i shtrirë 1 pacient i konfirmuar me Covid-19.
Njoftimi i plotë:
Klinika Infektive nuk ka pacientë të konfirmuar me Covid-19
Për herë të parë që nga fillimi i Pandemisë së Covid-19, Klinika Infektive e Qendrës Klinike Universitare e Kosovës nuk ka të shtrirë asnjë pacient të konfirmuar me Covid-19.
Ndërkaq, në Spitalin e Gjakovës është i shtrirë 1 pacient i konfirmuar me Covid-19.
Sa i përket pacientëve post-Covid-19, Klinika Infektive po i trajton 3 të tillë.
Klinika Infektive para disa muajve, pas qetësimit të situatës me Covid-19, ka filluar të ofrojë shërbime shëndetësore edhe për pacientët me sëmundje të tjera ngjitëse.
(Kosova Sot Online)
