Lexoni edhe:
Stoltenberg: Finlanda dhe Suedia do të mirëpriten “krahëhapur” në NATO
Haxhiu rikthen temën e tërheqjes së Trustit në Kuvend, ka një kërkesë për deputetët
Tërheqja e 30% të Trustit ishte sërish temë sot në Kuvendin e Kosovës. Deputeti i Partisë Demokratike të Kosovës, Bekim Haxhiu tha se tërheqja e mjeteve të Trustit ka qenë kërkesë e qytetareve.
Sipas tij, PDK-ja këtë kërkesë vetëm e ka përcjellë në Kuvend e Qeveri.
“Ka qenë kërkesë e qytetareve që të mundësohet tërheqja e mjeteve te Trustit. Ne si parti politike me datë 9 mars e kemi proceduar në Kuvend dhe pastaj me 21 mars është përcjellë për vendim në Qeveri. Për fat të keq Qeveria e ka neglizhuar këtë kërkesë të qytetarëve, por I ka hapur rrugë Kuvendit të Kosovës për të vendosur për këtë Ligj”, ka thënë ai.
Më tutje, Haxhiu apeloi tek Komisionet Parlamentare dhe Kryesia e Kuvendit që të trajtojnë me urgjencë këtë kërkesë.
“Nga dje ky Ligj është në duart e deputetëve. Sot kam një apel për Komisionet Parlamentare të përhershme dhe Kryesisë së Kuvendit që këtë projektligj ta trajtojë me urgjencë për shkak të krizës ekonomike dhe që në seancën e radhës të Kuvendit të kemi mundësinë që ta realizojmë këtë kërkesë të qytetarëve me qëllim që atyre t’u mundësojmë që me mjetet e tyre të menaxhojnë krizën ekonomike”, tha ai.
(Kosova Sot Online)
