Lexoni edhe:
Tahiri e Zyba kapen për kuti të votimit, gati sa nuk rrihen mes vete
Abelard Tahiri mban konferencë për media pas tensioneve në Kuvend
Pas situatës së tensionuar në seancën e sotme të Kuvendit, Shefi i Grupit Parlamentar të PDK’së, Abelard Tahiri do të mbajë konferencë për media.
Sipas njoftimit të PDK’së, konferenca do të mbahet në orën 14 e 45, në hollin e Kuvendit.
“Kryetari i Grupit Parlamentar të Partisë Demokratike të Kosovës, Abelard Tahiri, mban Konferencë për media në Hollin e Kuvendit të Kosovës, sot (e enjte) ora 14:45;”, thuhet në njoftim.
Ndryshe, Tahiri e ka hedhur kutinë e votimit që u vendos para foltores në Kuvendin e Kosovës, të cilën deputeti i LVV-së, Salih Zyba u mundua t’ia hiqte nga duart.
Deputeti i LVV-së, Salih Syba ndërhyu, gjë që solli një përplasje verbale mes deputetëve të pozitës dhe opozitës.
Kutia u soll aty si përgatitje për të votuar pë dy gjyqtarë të Gjykatës Kushtetues.
Para pauzës, opozita nisi veprimet në Kuvend për t’ia bërë të vështirë pozitës që ta vazhdojë seancën e sotme, pasi u refuzua që sot të trajtohet çështja e formimit të një komisioni hetimor parlamentar për rrymën.
Ata bënë zhurmë duke goditur me shishe tavolinat e Kuvendit dhe foltoren.
(Kosova Sot Online)
