Lexoni edhe:
Për një dekadë të kaluar na përfaqësuan të shantazhuarit me dosje të UDB-së!
Kim Jong-un i dërgon mesazh Putinit, kjo është përmbajtja
Udhëheqësi i Koresë së Veriut Kim Jong-un i dërgoi një mesazh urimi Presidentit Vladimir Putin për festën e Ditës së Fitores duke shprehur solidaritetin e vendit të tij me Moskën, sipas BBC.
Në mesazhin e tij të urimit të dërguar më 9 maj, Kim “shprehu solidaritet për kauzën e popullit rus për të çrrënjosur kërcënimin politik dhe ushtarak dhe shantazhin nga forcat armiqësore”. Udhëheqësi i Koresë së Veriut gjithashtu “shprehu besimin se marrëdhëniet strategjike dhe tradicionale të miqësisë midis dy vendeve do të vazhdojnënë të jenë të qëndrueshme”.
Koreja e Veriut ka theksuar kohët e fundit lidhjet e saj të ngushta me Rusinë dhe ka mbështetur publikisht Moskën për pushtimin e saj në Ukrainë.
Në shkurt, ajo fajësoi për konfliktin në Ukrainë “politikën hegjemoniste” të Shteteve të Bashkuara dhe Perëndimit.
(Kosova Sot Online)
