Lexoni edhe:
Për një dekadë të kaluar na përfaqësuan të shantazhuarit me dosje të UDB-së!
Inteligjenca ukrainase: Putini ka ndërruar propagandën, rusëve u thotë se po luftojnë kundër NATO-s
Inteligjenca ukrainase e Ministrisë së Mbrojtjes, ka lëshuar një komunikatë për shtyp ku thotë se Rusia e ka ndryshuar propagandën e saj për luftën në Ukrainë pas humbjeve që ka pësuar për t’ua ndërruar perceptimin qytetarëve të Rusisë.
Sipas inteligjencës ukrainase Kremlini zyrtar ka urdhëruar mediat që kontrollohen nga Putini që të raportojnë se ushtria ruse është në konflikt të armatosur me të gjitha shtetet e BE-së dhe NATO-s.
Inteligjenca ushtarake e Ukrainës thotë se kjo lëvizje e Kremlinit do ta zvogëlojë turpin e Rusisë për humbje ndaj një ushtrie shumë më të fuqishme si ajo e NATO-s.
Tutje thuhet se propaganda ruse do t’ua shpëlajë trurin rusëve me idenë e bashkimit për mbijetesë dhe besim të vërbër ndaj politikave diktatoriale të Kremlinit.
(Kosova Sot Online)
