Lexoni edhe:
Për një dekadë të kaluar na përfaqësuan të shantazhuarit me dosje të UDB-së!
Si e priti Scholz propozimin e Macronit për Europën, dhe çfarë vërejtje i bëri për Ballkanin
Macron ka propozuar një rimodelim gjeografik dhe të organizimit të Bashkimit Evropian në një fjalim që ka mbajtur në Parlamentin Evropian por pa dhënë specifika.
Propozimin e tij ia ka prezantuar edhe Kancelarit Scholz me të cilin pati takim në Berlin.
Scholz duket se e priti idenë e Macron me mirësjellje por jo me aq përkushtim.
Scholz e përshkroi atë si “një propozim shumë interesant për t’u marrë me sfidën e madhe me të cilën po përballemi”.
Ai tha se ishte “absolutisht e nevojshme për të gjetur mënyra” për më shumë vende për t’u lidhur ngushtë me BE-në.
“Kjo është arsyeja pse jam shumë i lumtur për propozimin që do të diskutojmë këtu tani,” tha Scholz shkruan Politico.
Sidoqoftë, Scholz ofroi një paralajmërim të koduar se plani i Macron nuk duhet të përdoret për të penguar vendet që kanë punuar tashmë për shumë vite drejt anëtarësimit në BE – me pak entuziazëm nga Franca.
“Është e qartë se kjo duhet dhe nuk do të na shkëpusë nga proceset e anëtarësimit në të cilat ne tashmë po punojmë për kaq gjatë”, deklaroi Scholz, duke shtuar se “guximi” që kishin marrë vendet e Ballkanit Perëndimor duhet të shpërblehet duke hapur ose avancuar zgjerimin.
(Kosova Sot Online)
