Lexoni edhe:
Kosova ta ndjek modelin për një sistem të pavarur të drejtësisë, për veprim kundër mafies
Vuçiq mbledh nesër Këshillin e Sigurisë, shqetësohet për aplikimin e Kosovës në Këshillin e Evropës
Seanca e Këshillit të Sigurisë Kombëtare të Serbisë do të mbahet nesër në ora 11:00.
Sipas raportimit të mediave serbe, kjo është vendosur së fundi nga presidenti serb, Aleksandar Vuçiq.
Deri tek vendimi thuhet se erdhi pasi Vuçiq mori dje lajmin se Ministria e Punëve të Jashtme të Kosovës do të dorëzojë kërkesën për anëtarësimin e Kosovës në Këshillin e Evropës.
Po ashtu Vuçiq dje thuhet të ketë pranuar informatën se tash e tutje vetëm ato vende nga Ballkani Perëndimor të cilat i janë bashkuar sanksioneve ndaj Rusisë, do të mund të marrin pjesë në takimet ku do të diskutohet për politikën evropiane të sigurisë.
Ndryshe Qeveria e Kosovës ka zhvilluar sot mbledhjen e jashtëzakonshme ku është miratuar nisma për anëtarësim në Këshillin e Evropës.
(Kosova Sot Online)
