Lexoni edhe:
SHBA është mike historike e shqiptarëve, në mbështetje të Kosovës për anëtarësim në Këshillin e Evropës dhe në NATO
Emisari gjerman në Kosovë, viziton Manastirin e Deçanit
Emisari gjerman për Ballkanin Perëndimor, Manuel Sarrazin, ka ardhur në Kosovë për një vizitë zyrtare. Vizitën ai e nisi dje në Manastirin e Deçanit ku është pritur nga igumeni Sava Janiq.
Për ardhjen e tij në Kosovë, ai njoftoi sot përmes një postimi në Twitter.
“Kënaqësi të vizitoja Manastirin e Deçanit dje dhe të flisja me Atin Sava. Trashëgimia kulturore e Deçanit është pjesë e rëndësishme e Kosovës multietnike. Mezi pres që të vij prapë”, ka shkruar Sarrazin.
Emisari gjerman ditë më parë qëndroi në Serbi për vizitë zyrtare ku u prit nga udhëheqësit serbë, përfshirë presidentin Aleksandar Vuçiq. Nga Serbia, Sarrazin ka thënë se Bashkimi Europian duhet të mbajë zotimet ndaj vendeve të Ballkanit Perëndimor, duke i hequr regjimin e vizave Kosovës dhe duke hapur negociatat për anëtarësim me Shqipërinë dhe Maqedoninë e Veriut.
Kjo është vizita e parë e tij në Kosovë që nga emërimi në këtë post nga qeveria gjermane në shkurt të këtij viti. Sarrazin pati thënë se Gjermani e përkrah dialogun mes Kosovës dhe Serbisë dhe dëshiron që procesi të rifillojë mes palëve.
Great to visit @DecaniMonastery yesterday and to talk Father Sava. Cultural heritage of #Detschani is an important part of the multi-ethnic #Kosovo. Looking forward to coming back in future. pic.twitter.com/t8ieX25lZx
— Manuel Sarrazin (@ManuelSarrazin) May 13, 2022
(Kosova Sot Online)
