Kryeministri Kurti pritet në Qytetin e Johnston të Iowas

  • E.K /
  • 14 maj 2022 - 16:40
Kryeministri Kurti pritet në Qytetin e Johnston të Iowas

Kryeministri i Republikës së Kosovës, Albin Kurti, gjatë qëndrimit të tij në Iowa u mirëprit në Qytetin e Johnston, nga Kryetarja e Qytetit Paula Dierenfeld. Nga viti 2013, Johnston është qyteti simotër i Pejës.

Para të pranishmëve, në fjalën e saj mikpritëse, Kryetarja Dierenfeld foli për historinë e qytetit të Johnston dhe historikun e marrëdhënieve me qytetin simotër të saj, Pejën.

Gorani: Dëgjova që sot është dhënë ultimatum deri me 31 maj që qeveria të …

Ndërkaq, në adresimin e tij, kryeministri Kurti u shpreh falënderues për mikpritjen që ka përjetuar në Iowa dhe Johnston. Më tej, ai tha se synimi jonë duhet gjithmonë të jetë që marrëdhëniet dhe bashkëpunimi ndërmjet Iowa-s dhe qyteteve të saj dhe shtetit të Kosovës dhe qyteteve të Kosovës të forcohen, thellohen dhe avancohen.

Në këtë pritje, në mesin e të cilëve ishin gjeneralët amerikanë Correl dhe Orr nga Garda Nacionale e Iowa-s, shumë zyrtarë e përfaqësues institucionalë e politikë si dhe bashkatdhetarë tanë, kryeministri Kurti u nderua me një dhuratë përmes së cilës pranoi urimet e Kryetares Dierenfeld për 14-vjetorin e shpalljes së Pavarësisë së Republikës së Kosovës dhe lidhjen ndërmjet Kosovës dhe popullit të Iowa-s.​

(Kosova Sot Online)