Lexoni edhe:
“S’mund të pajtohem”, gjykatësi i Speciales e kundërshton në disa pika aktgjykimin ndaj Gucatit e Haradinajt
Kërcënimi me bombë te “Xhevdet Doda”, zjarrfikësit hyjnë në objektin e shkollës
Në objektin e shkollës “Xhevdet Doda” kanë arritur edhe ekipet e zjarrfikësve. Në adresë të kësaj shkolle sot është pranuar një kërcënim për një mjet shpërthye.
Media raporton nga vendi i ngjarjes se zjarrfikësit po hyjnë në objektin e shkollës.
Edhe ekipet e deminimit të Policisë së Kosovës janë duke kontrolluar hapësirën.
Rastin e ka konfirmuar zëdhënësja e Policisë së Kosovës për Rajonin e Prishtinës, Florie Ahmeti.
“Sot rreth orës 11:00 është pranuar informata për dyshimet që ndërlidhen me një shpërthim të mundshëm në shkollën “Xhevdet Doda” në Prishtinë. Informacionet e para flasin se kanosja e dyshimtë ka ardhur përmes postës elektronike. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën në atë zonë. Ndërkohë që në një perimetër të caktuar policia ka evakuar nxënësit dhe personelin e shkollës, specialist të policisë po trajtojnë dhe verifikojnë informatën”, ka thënë Ahmeti.
(Kosova Sot Online)
