Alarmon Tërnava: Të gjitha kompanitë në sektorin e energjisë, në prag falimentimi – qeveria s’po vepron
Eksperti i sektorit të energjisë, Trim Tërnava, ka tërhequr vërejtjen se të gjitha kompanitë e sektorit të energjisë elektrike në vend, duke përjashtuar KEK-un, janë në prag të falimentimit.
Sipas tij, kjo vjen si pasojë e mosndarjes së mjeteve për subvencionim nga Qeveria e Kosovës. Ai ka thënë se nuk po subvencionohet fitimi i tyre, por vetëm kostot e tyre, të krijuara gjatë vitit të kaluar kur kishte krizë energjetike për sigurimin e energjisë për qytetarët.
Krejt kjo situatë, sipas Tërnavës, rrezikon në maksimum edhe marrëveshjen me ENTSO-E, si pasojë pagesave të parealizuara ndaj saj.
(Kosova Sot Online)