Si u mbyt 9 vjeçari në kanalin e Ibër-Lepencit në Mitrovicë?
Familjarët, të cilët hapën dyert për ngushllime, nuk e kanë aspak të qartë se si rrodhi ngjarja.
Shiritat e policisë u larguan dhe situata u kthye në normalitet. Por tragjedia që ndodhi një ditë më parë këtu, s’do harrohet kaq shpejtë.
Edhe pse në gjendje jo të mirë emocionale, babai i viktimës, tregon për bisedën e fundit që pati me djalin e tij.
Ky thotë se djali i tij që vijonte mësimin në klasën e katërt, ishte mjaft i zgjuar dhe s’beson aspak se ka hyrë me dashje të freskohet në ujë.
Rasti tragjik i së dielës që lamë pas, ka shkaktuar mjaft shqetësim edhe tek banorët e fshatit.
Nga policia e Kosovës kanë theksuar se tashmë hetimet do vijojnë në Prokurorinë Themelore të Mitrovicës.
(Kosova Sot Online)