Paratë e Trustit, cilët politikanë kishin tërhequr 10 përqindëshin dhe nga sa euro iu kishin dalë

Qytetarët e vendit po kërkojnë që t’iu mundësohet sërish tërheqja e një pjese të parave nga Trusti. Saktësisht, po kërkojnë lejimin e tërheqjes së 30 përqindëshit të kursimeve. Për këtë do të mbahet edhe një protestë nesër, e që sipas organizatorëve do të jetë masive.

Qeveria e Kosovës ka deklaruar se nuk e përkrah nismën e Kuvendit të Kosovës për tërheqjen e mjeteve nga Fondi i Kursimeve Pensionale të Kosovës, që njihet edhe si Trust.

Lexoni edhe:

Bekim Haxhiu prezanton Projektligjin për Trustin që mundëson tërheqjen nga 10 deri në 30% të kursimeve

“Tërheqja e mjeteve nga Trusti nuk ndihmon kategoritë në nevojë, pasi që edhe vet përqindja e fondit pensional të tyre është e ulët. Me kursimin e pleqërisë nuk duhet abuzuar dhe veprimin e tillë, duhet konsideruar si të mangët”, kishte njoftuar Zyra e Kryeministrit.

Por nëse një nismë e tillë miratohet, kjo s’do të ishte hera e parë që kosovarët do të merrnin një pjesë të kursimeve nga Trusti.

Një mundësi e tillë atyre u ishte ofruar në fund të dhjetorit të vitit 2020, pas miratimit të Ligjin për Rimëkëmbje Ekonomike. Atëherë u ishte lejuar tërheqja e 10 përqind të kursimeve.

Këtë mundësi e kishin shfrytëzuar edhe rreth 30 politikanë kosovarë.

Shuma e parave që kishin tërhequr ministrat, deputetët dhe ish-deputetët, fillon nga 300 euro e shkon deri në 26 mijë euro.

Në mesin e politikanëve që kishin tërhequr mjete nga Trusti, janë edhe disa zyrtarë të Lëvizjes Vetëvendosje, pavarësisht se kjo parti kishte kundërshtuar këtë ide kur ishte propozuar.

Zyrtarët e VV’së që kishin tërhequr një pjesë të kursimeve janë: Albulena Haxhiu, Liburn Aliu, Adnan Rrustemi, Arjeta Rexhepi dhe Visar Korenica.

Albulena Haxhiu

Ministrja e Drejtësisë, Albulena Haxhiu, ka deklaruar se ka tërhequr 2 mijë e 390 euro kursime, derisa Ministri i Mjedisit dhe Planifikimit Hapësinor  Liburn Aliu, ka marrë 2 mijë e 658 euro nga Trusti.

Liburn Aliu

Deputeti Adnan Rrustemi ka deklaruar se ka tërhequr 2 mijë e 84 euro nga Trusti.

Adnan Rrustemi

Deputetja Arjeta Rexhepi ka thënë se ka tërhequr 1 mijë e 200 euro, derisa Visar Korenica ka marrë 1 mijë e 762 euro.

Arjeta Rexhepi

Visar Korenica

10 përqindëshin e kursimeve e kanë tërhequr edhe zyrtarë të Lidhjes Demokratike të Kosovës.

Kreu i LDK’së, Lumir Abdixhiku, ka marrë 5 mijë e 125 euro, derisa ish-kryeministri Avdullah Hoti ka marrë 6 mijë e 335 euro nga Trusti.

Lumir Abdixhiku

Avdullah Hoti

Edhe deputetët Arben Gashi e Armend Zemaj kanë vendosur të tërheqin 10 përqind të kursimeve.

Arben Gashi

Gashi ka marrë 4 mijë e 472 euro, derisa Zemaj ka tërhequr 5 mijë e 640 euro.

Armend Zemaj

Kursimet i ka tërhequr edhe deputetja Hykmete Bajrami. Vlera e parave që ajo ka marrë është 4 mijë e 677 euro.

Hykmete Bajrami

Të drejtën për të tërhequr kursimet e kanë shfrytëzuar edhe zyrtarë të Partisë Demokratike të Kosovës dhe Aleancës për Ardhmërinë e Kosovës.

Deputeti Bedri Hamza ka tërhequr nga Trusti rreth 10 mijë euro.

Bedri Hamza

Gati tetë mijë euro më shumë se Hamza ka marrë deputeti tjetër i PDK’së, Gazmend Bytyqi.

Gazmend Bytyqi

Në regjistrin për deklarimin e pasurisë, Bytyqi ka thënë se ka marrë nga Trusti para në vlerë 17 mijë e 49 euro. Nuk dihet nëse ai i ka tërhequr të gjitha mjetet prej Trustit.

Ndërkohë, deputetja tjetër e kësaj partie, Floreta Zejnullahu ka tërhequr 300 euro.

Floreta Zejnullahu

Bekë Berisha i AAK’së ka marrë 1 mijë e 265 euro, derisa kolegu i tij Shkumbin Demaliaj ka tërhequr nga Trusti 26 mijë euro. Ai ka thënë se këtë të drejtë e ka shfrytëzuar si invalid i luftës.

Bekë Berisha

Shkumbin Demaliaj

10 përqindëshin e kursimeve e kanë tërhequr edhe zyrtarë të Listës Guxo.

Ministri i Bujqësisë, Faton Peci, ka deklaruar para nga Trusti në vlerë 918 euro, derisa deputetja Jeta Statovci ka thënë se ka marrë 480 euro.

Faton Peci

Jeta Statovci

Të drejtën për tërheqjen e 10 përqindëshit e kanë shfrytëzuar edhe disa ish-deputetë.

Visar Hoti ka tërhequr 4 mijë e 122 euro, Ilir Ferati 1 mijë e 762 euro, Frashër Demaj 6 mijë e 342 euro, Hatim Baxhaku 3 mijë e 360 euro, Veton Berisha 2 mijë e 600 euro, Shkëlzen Hajdini 1 mijë e 860 euro dhe Shkëmb Manaj 1 mijë e 683 euro.

Visar Hoti

Ndryshe, tërheqja e 10 përqindëshit të kursimeve ishte mundësuar me Ligjin për Rimëkëmbje Ekonomike.

Ilir Ferati

Lëvizja Vetëvendosje dhe Partia Demokratike e Kosovës e kishin kundërshtuar këtë propozim të Lidhjes Demokratike të Kosovës.

Ministri Hekuran Murati, i cili në atë kohë ishte deputet, pati thënë se nuk është zgjidhje tërheqja e 10-përqindëshit nga Trusti.

Frashër Demaj

“Për t’i tërhequr 10 për qind nga Trusti, fillimisht ka të bëjë me parimin dhe qëllimin. Për nga aspekti parimor duhet ta shohim pse është themeluar Fondi Pensional. Arsyeja pse është themeluar një institucion i tillë është që të sigurohet që një qytetar kur e mbërrin moshën e zakonshme dhe mos me u bërë barrë e shtetit dhe mos me u bërë rast social, por me pasur kursime për të jetuar”, pati thënë Murati.

Hatim Baxhaku

Ndërkohë, deputetja e Lëvizjes Vetëvendosje, Fitore Pacolli pati thënë se Qeveria s’duhet t’i ndihmojë qytetarët me paratë e veta.

“Ligji për rimëkëmbje ekonomike nuk ka asgjë aty përveç idesë që qytetarët t’i marrin kursimet e tyre pensionale, që t’i shfrytëzojnë ato, por ne jemi që Qeveria t’i ndihmojë qytetarët e jo ata me pare të veta të tentojnë të dalin nga kriza”, pati deklaruar Pacolli.

Veton Berisha

Ky ligj kishte dështuar gjashtë herë t’i merrte votat e nevojshme.

Ligji ishte votuar vetëm pasi ishin pranuar edhe katër amendamente nga Partia Demokratike e Kosovës. Një prej tyre ishte edhe kompensimi i kësaj shume, brenda pesë vjetëve të ardhshme.

Shkëlzen Hajdini

“Të gjithë qytetarët që kanë kontribuar në Trustin Pensional të Kosovës deri në shumën 10 mijë Euro, në rast të tërheqjes së shumës 10 % (dhjetë për qind) nga ana e tyre, Qeveria e Kosovës do ta kompensoj tek TRUST-i Brenda pesë viteve të ardhshme në mënyrë që ata qytetarë t’i kenë mjetet e tyre për moshën e pleqërisë”./

(Kosova Sot Online)