Niset për trajtim jashtë vendit 30-vjeçarja që e zuri lisi dje në Prishtinë
Erërat e forta e shiu i furishëm i një dite më parë po zëvendësohen me rrezet e diellit këtë të martë në lagjen Pejton.
Këtu nuk po dëgjohen as thirrjet për ndihmë e intervenime, siç ndodhi një ditë më parë.
Nuk mbeti asgjë as nga druri, që ishte fatal për një 30 vjeçar.
Nën degët e tij mbeti edhe një 30 vjeçare tjetër. Ajo u lëndua rënd në boshtin kurrizor, andaj të hënën mbrëma u nis për trajtim jashtë vendit.
Re të zeza ranë edhe mbi komunën e Rahovecit e rrufeja goditi edhe një 34 vjeçar, që e la të vdekur në vend.
Por e hëna tragjike nuk mbaroi me kaq.
Erërat e forta të një dite më parë që mbizotëruan në pjesën më të madhe të vendit, shkëputen panelet solare të cilat goditën një punëtor në Prizren.
Erërat e forta të një dite më parë që mbizotëruan në pjesën më të madhe të vendit, shkëputen panelet solare të cilat goditën një punëtor në Prizren.
I njëjti në gjendje të rëndë është dërguar në QKUK.
Moti i ligë, ishte edhe kur ndodhi aksidenti tragjik në Qyshk të Pejës. Atje një 23 vjeçar vdiq në vend.
(Kosova Sot Online)