Lexoni edhe:
Pa neutralizimin e politikës hegjemoniste serbe nuk ka paqe të qëndrueshme dhe stabilitet në Ballkan
E rëndë: Djali e bën për spital nënën në Prishtinë, e godet me karrige
Rastet e dhunës në familje sa vijnë e shtohen çdo ditë në vendin tonë, ku viktima zakonisht janë gratë. Madje janë të shpeshta rastet kur prindërit denoncojnë fëmijët e tyre për dhunë psikike e fizike. E një rast i tillë është raportuar mbrëmë në rrugën ‘Malush Kosova’ në Prishtinë.
63-vjeçarja ka raportuar në Polici se është rrahur nga djali i saj 36-vjeçar.
Para hetuesve nëna ka deklaruar se i biri e ka goditur atë me karrige, ku si pasojë e kësaj ka marrë lëndime trupore, për çka edhe iu desh të pranonte tretman mjekësor.
Ajo ka kërkuar që të pajiset me urdhërmbrojtje nga Gjykata, pasi ndihet e rrezikuar nga djali i saj.
Pas denoncimit të rastit, Policia ka shoqëruar në stacion policor për intervistim, ku më pas ndaj tij është iniciuar rasti ‘Dhunë në familje’.
Me vendim të prokurorit, atij i është caktuar masa e ndalimit në kohëzgjatje prej 48 orësh.
(Kosova Sot Online)
