Lexoni edhe:
Çmimet në “qiell”: Nafta u rrit për 5.5%, vaji për 5.2%, mishi për 4.3%
Deputetja e PDK-së e quan të çuditshëm urimin e Gërvallës për Ditën e Çlirimit pa e përmendur UÇK-në
Deputetja e PDK-së, Ariana Musliu – Shoshi ka thënë se është e dhimbshme dhe e çuditshme se si zëvendëskryeministrja dhe ministrja e Punëve të Jashtme, Donika Gërvalla nuk e përmendi UÇK-në në urimin e saj për Ditën e Çlirimit.
“Nën petkun e zëvendeskryeministres dhe ministres së jashtme të Kosovës është e dhimbshme dhe e çuditshme të urosh popullin shqiptar për ditën e çlirimit pa falënderuar gjakun e dëshmorëve të UÇK-së e pa e çmuar jetën e saktificën e atyre pjestarëve që janë gjallë e liderëve të UÇK-së në luftë e paqe që sot padrejtësisht janë në Hagë”, shkroi ajo.
Sipas deputetes, qëndrimi i Gërvgallës është edhe qëndrim i qeverisë.
“Është fatkeqësi që me qendrim të tillë të qeverisë presim mbrojtjen e drejtë të luftës së UÇK-së, denimin e Serbisë për gjenocidin në Kosovë, e trajtimin me dinjitet të veteranëve!”, ka shkruar Musliu-Shoshi.
Gërvalla të dielën e ka uruar Ditën e Çlirimit të Kosovës. Ka përmendur NATO-n dhe ushtarët e KFOR-it për kontributin, por jo edhe pjesëtarët e Ushtrisë Çlirimtare të Kosovës.
(Kosova Sot Online)
