Moti në dy ditët e ardhshme, temperaturat deri në 28 gradë

Instituti Hidrometeorologjik i Kosovës bën të ditur se vendi ynë do të ndikohet nga masat e ajrit me presion të rritur atmosferik.

IHK njofton se kjo situatë barike do të krijojë kushte për mot të mirë, të kthjellët dhe me shumë orë me diell.

Lexoni edhe:

Toleranca 23 vjeçare ndaj bandave serbe në veri të Kosovës po prodhon situata të rrezikshme për shtetin

Temperaturat minimale do të lëvizin ndërmjet 8-11 gradë Celsius, ndërsa maksimalet e ditës parashihen të lëvizin ndërmjet 23-28 gradë Celsius.

Indeksi UV në këto dy ditë të ardhshme parashihet të jetë në vlera të larta, pasi që rrezet e diellit do të jenë prezent pothuaj gjatë gjithë ditës.

Sa i përket kushteve agrometeorologjike dhe biometeorologjike do të jenë të mira falë aktivitetit të mirë të elementeve dhe dukurive meteorologjike që ishin prezent ditëve të fundit.

(Kosova Sot Online)