Kjo është krejt pasuria e UD-së të Kryeprokurorit të Shtetit Besim Kelmendi, gjithçka e përbashkët!!!

E.K /
15 June 2022 - 11:22

Shtëpi, banesa e troje të deklaruara të gjithë në pronësi të përbashkët figurojnë edhe në formularin e pasurisë së Ushtruesit të detyrës së kryeprokurorit të shtetit Besim Kelmendit. Shtëpia e ushtruesit të detyrës së Kryeprokurorit të Shtetit, që e ka të deklaruar në Agjencionin Kundër Korrupsionit kap vlerën prej 100.000 euro, me një sipërfaqe prej 200 metrash katrore. Është e deklaruar si Investim i përbashkët me prindërit, bashkëshorten dhe më kreditim. Ka të deklaruar truall prej 21.22 ari, Investim i përbashkët me prindërit, bashkëshorten, vëllezër dhe më kredi, me një vlerë prej 167,000.00.

Shtëpi e pabanuar e djegur gjate luftës ka vetëm kulmin, më 140.00 m2, Investim i prindërve 1980, llogaritet në vlerën prej 5,000.00. Shtëpizë nga druri 30.00 m2, Investim i prindërve nga viti 1982 pa vlerën e përcaktuar. Ka deklaruar tokë prej 2.52 ari, Investim i prindërve nga viti 1979 , me vlerën prej 100,000.00 si pronë e përbashkët. Një parcelë tokë tjetër 20.00 ari, investim i prindërve 1979, që është vlerësuar 20,000.00 po ashtu si pronë e përbashkët. Në formularin e deklarimit të pasurisë së Besim Kelmendit figuron edhe një Shtëpizë me sipërfaqe 90.00 metra katrore , investim i përbashkët me prindërit, bashkëshorten dhe më kredi, nga viti 2013, me vlerën prej 35,000.00, pronë e përbashkët.

Ka edhe një copë truall prej 2.30 ari, Investim i përbashkët me prindërit, bashkëshorten dhe më kredi që vlerësohet në 5,000.00 , pronë e përbashkët. Një garazh prej 45.00 katrore është investim i përbashkët me prindërit, bashkëshorten dhe më kredi që vlerësohet në 10,000.00. Edhe një truall tjetër 2.70 metra katrore i deklaruar investim me bashkëshorten dhe kredi, që ka vlerën 10,800.00 me status të pronës së përbashkët. Banesë, në ndërtim e sipër, 61.00 metra katrore, Investim i përbashkët t familjar me vlerën prej 42,000.00 . Në pronësi të përbashkët janë deklaruar edhe dy vetura. Veturë Golf IV me vlerë 3,000.00 dhe Veture Renault ( Tani ka vlere 19,500 euro) kurse është blerë më herët për 22,600.00 euro.

Para të gatshme të mbajtura në institucione financiare, 9,394.67 euro në emrin personal, 304.89 € në emër të fëmije, 1,117.73 € në emër të Bashkëshortes dhe 594.50 € në emër të prindit. Detyrimet financiare ndaj personave juridik dhe fizik. Kredi për renovimin e shtëpisë 2019/2023 me vlerë 10,000.00 në emër të bashkëshortes. Kredi për blerjen e veturës 14,000.00 në emrin personal, deri më 05.08.2021. Nga të hyrat vjetore ka deklaruar : Paga nga Prokuroria e Shtetit Prishtinë 31,860.41. Paga sekondare për angazhim te Kolegji "Biznesi" Prishtinë 1,200.00. Shërbime trajnimi te Akademia e Drejtësisë Prishtinë 1,906.65. Kompensim/Paushal l ( te hyra bruto) nga Këshilli Kombëtar për parandalimin e dhunës, sjelljeve të palejuara, dukurive negative dhe kurdisjeve në ngjarjet sportive Prishtinë 3,000.00. Kompensim për angazhim si ekspert ( te hyra bruto) OSBE Prishtinë 700.00. Kompensim për pjesëmarrje si trajnues sipas kontratës 2.12.2019 ALTRI - Shqipëri Prishtinë 297.50.

Paga vjetore e bashkëshortes nga SHMP "Gjin Gazuli" Prishtinë 6,153.67. Pension vjetor, pension i punës së prindit 2,376.00. Paga mujore e fëmijëve nga Agjencia Turistike Globus Travel Prishtinë 1,805.30. nga kompensimi si anëtar rezervë në Komisionin për provimin e Jurisprudencës Ministria e Drejtësisë Prishtinë përfiton 460.81 në vit. Të hyra në Trusti në emër të bashkëshortes në bankë figurojnë 1,061.44. të tërhequra në emte të 10%. Mëditje nga puna ne komisionet e këshillit prokurorial të Kosovës (2019 nje pjese dhe 2020) KPK Prishtine 1,117.00. Mbështetje ekonomike në emër të fëmijëve për shkak se ka mbetur pa pune, mbështetje nga Qeveria e Kosovës 340.00. Dhe krejt në fund, nga tërheqja e 10 % e Trustit Pensional mban në bankë 5,133.11 euro.