Lexoni edhe:
Sfidat e komunitetit rom, Kurti sot takohet me përfaqësuesit e tyre
Musliu: Është kënaqësi të punosh në fusha, unë kam prashitur në ara dhe prashis edhe sot
Deputetja e Partisë Demokratike të Kosovës, Ganimete Musliu u bë e qendër e vëmendjes pas një fotografie që e publikoi në Facebook ku shihej mes një are misri.
Kjo bëri që përdoruesit e internetit ta komentojnë e herë-herë edhe ta bullizojnë deputeten. Duke aluduar në qytete, Musliu ka thënë se komentet negative erdhën kryesisht nga ata që vijnë nga fshati i madh.
“Është pak problem kur vjen nga fshati i vogël në fshatin e madh. Këta të fshatit të madh ndihen si padronë të fshatit dhe i sulmojnë këtë të fshatrave të vogla, që janë më të edukuar”, tha ajo në “dPt te Fidani”, përballë gazetarit Fidan Jupolli.
Deputetja Musliu tha se ndihet mirë me prejardhjen e saj dhe tregoi se si është angazhuar dhe ende angazhohet në punë bujqësore.
“Punoj edhe sot në fushë. Është pasuri kur ke fushë me mbjellë. Unë fatkeqësisht s’kam, i kam pronat e babës që janë në emrin e gjyshit. Kanë vdekë baba e gjyshi dhe kjo është fatkeqësi”, tha ajo.
Për më tepër, ajo tha se ka pasur kohë kur ka prashitur arën, një proces për ta pastruar misrin nga bimë të tjera përreth.
“Është krenari me punu në arë, është kënaqësi me punu në arë. Kam prashitë dhe prashiti edhe sot… unë prashiti në arë temën, jo në të huajën”, tha ajo.
(Kosova Sot Online)
