Arrestohet 58-vjeçari në Gjakovë, Policia i gjen armë e municion

Një 58-vjeçar me inicialet N.D. është arrestuar dje në Gjakovë, pasi i njëjti dyshohet se e ka kanosur një person tjetër.

Rastin në Polici e ka raportuar dje viktima dhe më pas njësitet relevante kontrolluar shtëpinë e të dyshuaritm në Osek Hilë, ku kanë sekuestruar një pushkë gjuetie të kalibrit 12 mm, një pushkë ajrore e kalibrit 5.5 mm dhe 20 copë fishekë.

58-vjeçari, me urdhër të prokurorit, është ndaluar për 48 orë, nën dyshimin se ka kryer veprën penale “Mbajtje në pronësi, kontroll ose posedim të paautorizuar të armëve” dhe “Kanosje”

Policia e Kosovës ka publikuar edhe fotografinë e armëve dhe municionit të sekuestruar:

Njoftimi i plotë:

Arrestohet një person i dyshuar për  veprën penale “Mbajtje në pronësi, kontroll ose posedim të paautorizuar të armëve” dhe “Kanosje”

Gjakovë, 27 Qershor 2022

Ankuesi mashkull/kosovar më datë 27.06.2022, kishte raportuar në Stacionin Policor në Gjakovë se ishte kanosur nga i dyshuari:

– N.D., i lindur në vitin 1964 m/sh/k.

Pas një aktiviteti operativ dhe hetimor nga Stacioni Policor në Gjakovë është arritur që i dyshuari të arrestohet mbi dyshimin e arsyeshëm për mbajtje në pronësi, kontroll ose posedim të paautorizuar të armëve me urdhërkontrollin e lëshuar nga Gjykata.

Urdhër kontrolli është realizuar në vendbanimin e të dyshuarit në fshatin Osek Hilë-Gjakovë, me ç ‘rast është sekuestruar një pushkë gjuetie e kalibrit 12mm dhe 20 copë fishekë të armës së njëjtë,  si dhe një pushkë ajrore e kalibrit 5.5mm.

Me urdhër të Prokurorit të Shtetit pas përfundimit të procedurave policore, personi i arrestuar ndalohet për 48 orë në ndalim policor.

Fotografi të armëve dhe municionit të sekuestruar:

(Kosova Sot Online)