Presidentja Osmani për vizitë zyrtare në Slloveni, zbardhet agjenda

A.P /
03 July 2022 - 15:40

Presidentja e Kosovës, Vjosa Osmani-Sadriu me ftesë të presidentit slloven, Borut Pahor po qëndron për vizitë zyrtare në Slloveni.

Sipas Zyrës së Presidencës, kjo vizitë do t’i rikonfirmojë marrëdhëniet e mira Kosovë – Slloveni dhe atje Osmani do të zhvillojë një sërë aktivitetesh.

Osmani do të zhvillojë takime me udhëheqës të Parlamentit të Sllovenisë dhe Këshillit Kombëtar të Sllovenisë.

Ajo gjithashtu do të ndajë dekoratë ndaj Forcave të Armatosura të Sllovenisë për kontributin për paqe nëpërmjet misionit të NATO-s.

Në agjendën e vizitës zyrtare të Presidentes Osmani në Slloveni do të jetë edhe takimi me mërgatën e Kosovës në Slloveni, ligjërata e organizuar nga Qendra për Perspektivën Evropiane dhe Bled Strategic Forum si dhe pjesëmarrja në shfaqjen “Zgjimi i pranverës”, bashkëprodhim i Teatrit Kombëtar të Kosovës dhe Qendrës për Arte dhe Komunitet- Artpolis, e cila do të jepet në Teatrin e Nova Goricës.

Ky është njoftimi i plotë:

Presidentja Osmani me ftesë të presidentit Pahor udhëtoi për vizitë zyrtare në Slloveni

Presidentja e Republikës së Kosovës, Vjosa Osmani, me ftesë të presidentit të Sllovenisë Borut Pahor, ka udhëtuar për vizitë zyrtare në këtë shtet

Kjo vizitë do t`i rikonfimoj marrëdhëniet e shkëlqyshme me Slloveninë, teksa me homologun Pahor, në një sërë aktivitetesh të përbashkëta, Presidentja Osmani do t`i diskutoj mundësitë e thellimit të bashkëpunimit dhe raporteve ndërshtetërore.

Gjatë kësaj vizite, Presidentja Osmani do të zhvillojë takime edhe me udhëheqës të Parlamentit të Sllovenisë si dhe të Këshillit Kombëtar të Sllovenisë.

Kurse Forcave të Armatosura të Sllovenisë, Presidentja Osmani gjatë qëndrimit në këtë shtet do t`ua ndajë një dekoratë për kontributin për paqe dhe siguri në kuadër të misionit të NATO-s në Republikën e Kosovës, në të cilin përgjatë viteve kanë shërbyer mijëra ushtarë slloven.

(Kosova Sot Online)