Arrestimi i Elvis Kelmendit dhe gjashtë të tjerëve: publikohen pamjet/VIDEO

Policia boshnjake ka arrestuar të martën shtatë persona të dyshuar për disa vepra penale, përfshirë trafikun e drogave dhe armëve, në dy lokacione të ndryshme në Sarajevë.

Në mesin e të arrestuarve është edhe Elvis Kelmendi, 44-vjeç, me origjinë nga Peja. Ai është djali i Naser Kelmendit.

Aksioni i policisë boshnjake, i kodifikuar si operacioni “Rez”, ka vënë nën pranga edhe gjashtë të dyshuar të tjerë, përpos Kelmendit nga Kosova.

E përditshmja boshnjake, “Avaz” ka zbuluar ekskluzivisht emrat e të gjithë të arrestuarve. Ata janë: Elvis Kelmendi (1978), Slobodan Tomaniç (1971), Harun Babiç (2000), Anel Sejfoviç (1987), Ajlin Ahmiç (1984), Amer Pehliç (1984) dhe Armin Kulasheviç (1984).

Aksioni është zhvilluar në dy lokacione të Sarajevës, në Ilixha dhe Neum.

Elvis Keljmendi, së bashku me dy persona të tjerë, është arrestuar në Neum. Ai dyshohet për disa krime të sanksionuara me kodin penal të Bosnjë dhe Hercegovinës.

Për momentin, të arrestuarve në kuadër të operacionit “Rez”, i është hequr liria. Ata ndodhen në mbajtje.

Më poshtë, ndiqni pamjet nga operacioni i policisë boshnjake në Ilixha:

https://www.youtube.com/watch?v=OVe9KFBfZtI&feature=emb_title

(Kosova Sot Online)